Паркинсоновата болест е прогресивна невролошка состојба која предизвикува вкочанетост на мускулите, тресење и проблеми со балансот и мобилноста.
Сега, ново истражување покажува дека оние дијагностицирани со оваа болест би имале корист од вежбање – колку поинтензивно, толку подобро.
Во студија објавена од JAMA Neurology во 2017 се следеле 128 партиципанти на возраст помеѓу 40 и 80 години кои биле дијагностицирани со Паркинсоновата болест кои не земале никакви лекарства за менаџирање на симптомите.
По учеството во програмата за вежбање 3 пати неделно во период од 6 месеци, податоците покажале дека кај оние кои вежбале со висок интензитет прогресот на болеста се забавил во споредба со оние кои вежбале со среден интензите
Иако истражувањето целосно не ги истражило причините зошто вежбањето го забавило прогресот на болеста, тоа може да се поврзе со зголемениот проток на крв во мозокот.
Допаминските неврони во мозокот помагаат да се контролира движењето, а кај луѓето со Паркинсонова болест тие не произведуваат доволно допамин. Вежбањето ослободува многу хемикалии во мозокот, меѓу кои и допаминот, што му помагаат на мозокот да ги компензира штетите предизвикани од болеста. Тоа не ја лекува болеста, но значително помага за намалување на симптомите.
Докторите велат дека што порано се интервенира, толку поголеми се шансите да се спречи брзиот прогрес на болеста.