Одговорот на ова прашање е 30 до 45 минути, еве и зошто.
Кога станува збор за намалување на килограмите, вежбањето може да биде благослов, но и проклетство. Колку повеќе калории се согоруваат, толку повеќе се слабее, но во зависност од вежбите, истите може да ги активираат хормоните за глад што доведува до често прејадување, т.е замена на калориите кои сте ги изгубиле со вежбањето.
Меѓутоа, има една „златна средина“ – истражувачите откриле дека интензивните вежби (каде бројот на отчукувања на срцето е околу 75% од максималните) влијаат на нивото на хормонот на глад грелин, така што го намалуваат апетитот подобро од помалку интензивните вежби.
Ваквите вежби ја дистрибуираат крвта подалеку од желудникот и цревата поради потребата од подобра циркулација на крв до мускулите, што е еден од факторите кој влијае на намалувањето на апетитот.
Ефектите од вежбањето со висок интензитет траат со часови – понекогаш и со денови – по завршувањето на тренингот, бидејќи телото продолжува да ги согорува калориите со побрз интензитет дури и кога не вежбате.
Времетраењето на вежбањето е исто така голем фактор, па така 30 до 45 минути трчање е подобро од 60 до 90 минути пешачење, бидејќи ќе потрошите повеќе енергија, а после тоа апетитот ќе биде намален.