Одредени видови храна можат да ве држат будни, а некои пак можат да ви помогнат подобро да спиете.
Истражувачи од универзитетот во Пенсилванија откриле дека децата кои јаделе риба еднаш неделно спиеле подобро и имале поголем коефициент на интелигенција (IQ) – за околу 4 поени повисок од просечниот во споредба со децата кои многу ретко јаделе риба.
Според забелешките на истражувачите, ова не е прват да е докажано дека омега-3 масните киселини (кои во изобилство ги има во рибата) го подобруваат спиењето и интелигенцијата.
За потребите на студијата, 541 кинески деца на возраст помеѓу 9 и 11 години одговарале на анкета за тоа колку често јаделе риба во период од 4 недели, а потоа го правеле кинескиот тест за мерење на IQ-то кој ги мери вербалните и невербалните вештини.
Било утврдено дека оние кои јаделе риба еднаш неделно имале 4.8 поени повеќе од просекот на IQ тестовите во споредба со оние кои ретко или никогаш не јаделе риба. Оние кои ретко ја јаделе, пак, имале 3.3 поени повеќе. Храната исто така била поврзана со подобриот квалитет на спиење бидејќи оние кои јаделе риба искусувале помалку нарушувања на сонот во текот на ноќта.
Тимот истражувачи се надеваат дека наскоро ќе можат да направат контролирана студија и со возрасни личности, како и со омега-3 масни киселини чие потекло нема да е животинско, туку кои ќе се консумираат во вид на суплементи.