Јавните тоалети не се најчистите и најпријатните места кои сме принудени да ги посетиме, но она што е познато дека сепак се дел од најпосетените.
Ги користат многу посетители, а како резултат на тоа се апсорбираат голем број бактерии на површините.
Сепак, постојат одредени правила кои ќе го направат јавниот тоалет побезбедно и поудобно место за посетување.
Користете ја најчистата кабина
Кога одите во тоалет секогаш изберете ја кабината која ви изгледа најчисто. Интересен факт е дека луѓето претежно ги избираат кабините кои се подалеку од влезната врата на тоалетот, па нареден пат подобро погледнете во првата кабина пред да се одлучите за преостанатиот избор.
Не ги оставајте работите на подот во тоалетот
Не ставајте ништо од вашите работи на подот на тоалетот. Во спротивно, бактериите и нечистотијата од чевлите ќе бидат префрлени на нив, а подоцна и на вашите раце.
Пуштете вода паметно
Копчето преку кое се пушта вода е често користено. Иако изгледа безбедно пуштањето вода со врвот од прстот, сепак поради невнимателност може да дојде во контакт со вашето лице, но и останатите делови од телото. Побезбеден начин е доколку го обвиткате прстот со тоалетна хартија, а потоа пуштите вода. Истата постапка можете да ја направите со рачката на вратата, што помалку допирате толку помалку постојат шанси за бактериите да стигнат до вас.
Измијте ги рацете со топла вода
Миењето на рацете со топла вода отколку со ладна е поефективно бидејќи топлината има поголемо влијание во борбата со микроорганизмите. Доколку сте во можност користете голема количина на сапун и препорачливо е да ги држите рацете под вода најмалку 20 секунди.
Имајте заштитни подлоги со вас
За жал, не е доволно само да ја покриете површината на која ќе седнете само со хартиени марамчиња. Обидете се да користите заштитни подлоги кои ќе ги користите само вие, како мерка за дополнителна безбедност. Нив може да ги најдете во секоја аптека и добро снабдена продавница.