Статистичките податоци покажуваат дека бројот на вегетаријанци низ светот е се поголем. Причината за тоа е разбирлива, со оглед на тоа ризикот кој црвеното месо го носи.
Некои истражувања покажуваат дека јагнешкото, свинското и говедското месо се причина за создавање на инфекции и болести кои драстично го нарушуваат нашето здравје. Сепак, спротивно на овие податоци постојат научни докази кои се косат со овие тврдења.
Црвеното месо е богато со протеини и го прави човекот сит. Многу луѓе сметаат дека тоа е штетно бидејќи содржи заситени масти, но не е така. Заситените масти спаѓаат во групата на есенцијални кои се од суштинско значење за правилно функционирање на мозокот и ја даваат енергијата која му е потребна на организмот.
Секоја храна која се внесува премалку или повеќе од дозволеното претставува опасност за човековиот организам, па затоа треба да се внесува во препорачаните количини. Нутриционистите сметаат дека 30 грама заситени масти дневно му се доволни на организмот и предупредуваат дека несоодветниот внес на храната може да биде многу опасно.
Од значителна важност е да се направи разлика помеѓу органското свежо месо и месните производи како што се колбасите.
Црвеното месо го обезбедува неопходното железо кое ја дава потребната енергија за секојдневните активности, а има и магнезиум и цинк кои се од голема важност за создавање на тестостеронот. Освен тоа содржи и селен кој помага во зајакнувањето на имунолошкиот систем.
Светската здравствена организација препорачува 500 грама црвено месо на неделно ниво.