Сите сме свесни за придобивките кои доаѓаат од редовното вежбање, но на многумина ова задоволство им е ускратено поради нивната здравствена состојба, ограничувања на движењата на екстремитетите или староста.
Сега, група научници развила комерцијален лек кој ги имитира ефектите од вежбањето елиминирајќи ја потребата да се трча километар и половина три пати неделно.
Роналд Марк Еванс, биолог од Салк институтот за биолошки студии во Калифорнија, ја искористи хемиската состојка позната како GW1516, или само 1516.
Научниците од Салк работеле на оваа „пилула за вежбање“ скоро една декада и по нејзиното тестирање врз глувци откриле дека состојката го спречува телото да согорува глукоза (шеќер) за енергија, и наместо тоа го тера да ги согорува мастите. За да се случи истиот процес на телото му е потребно повеќе време по природен пат.
Повеќето досегашни пилули за слабеење вршат неколку функции
- Го намалуваат апетитот, спречувајќи прејадување
- Го блокираат телото да ги апсорбира дел од мастите кои ги консумираме
- Го прелажуваат мозокот да мисли дека сме сити
Ваквите лекови имаат разни несакани ефекти, од абдоминални болки до главоболки, вртоглавици, лошење и др.
Состојката 516 се планира да се користи и врз оние со Душен-мускулна дистрофија – болест која го отежнува чекорењето, седнувањето, станувањето, или било каква физичка активност кај децата која побарува користење на мускулите.
Научниците се свесни дека таа може да биде злоупотребувана од спортистите доколку некогаш биде одобрена за комерцијална употреба, а светската анти-допинг агенција веќе ја има забрането за да ја спречи нејзината можна злоупотреба.
Сепак, главната цел на овој лек ќе биде да го користат оние кои не се способни да вежбаат (од оправдани причини), со што би го подобрила животот на многу пациенти со такви потешкотии.