Во една од најголемите студии за поврзаноста на геномите со несоницата, истражувачите потврдиле дека оваа состојба е наследна и откриле генетски мутации кои можеби се одговорни за неа.
Водена од психијатарот Муреј Стајн од универзитетот на Калифорнија, Сан Диего, во студијата биле анализирани податоци од STARRS- досега најголемата студија за ментално здравје помеѓу персоналот на американската војска.
Како дел од проектот, биле собрани ДНK примероци од над 33 000 војници кои биле испитувани за да се види кои генетски региони покажуваат поврзаност со карактеристиките на несоницата.
По анализирањето на податоците, несоницата била поврзана со постоењето на специфични генетски мутации на хромозомот 7, а кај луѓето со европско потекло имало разлики и на хромозомот 9.
Според тимот истражувачи, варијантата на хромозомот 7 е скоро ген наречен AUTS2, кој во претходни истражувања бил поврзан и со регулацијата на внесот на алкохол.
Неколку од овие варијации на гени се наоѓаат на локациите и патеките кои веќе е познато дека се поврзани со спиењето и биолошкиот часовник.
Кај оние, пак, со европско потекло, била пронајдена генетска врска помеѓу несоницата и депресијата, како и метаболички пореметувања како тип 2 дијабетесот и др.
Огромната количина на податоци врзани со истражувањата на несоницата сè повеќе се зголемува, со уште една огромна студија која вклучува 1.3 милиони индивидуи.
Подоброто разбирање на молекуларните бази на несоницата ќе биде критично за развивање на нови третмани.