Покрај лековите кои се препорачуваат за грипот, добра одбрана претставуваат и разни билки, суплементи и храна кои го зајакнуваат имунолошкиот систем. Еве дел од нив кои функционираат во борбата против грипот:
1) Храна богата со витамин Ц
Истражувањата покажуваат дека големите дози витамин Ц по појавата на симптомите на грип можат да ги намалат за 85%. Затоа, доколку почнете да ги чувствувате овие симптоми, внесувајте не само пијалаци богати со витамин Ц бидејќи тие содржат и многу шеќер, туку и зеленчук како брокула и прокељ. Пожелна е и суплементација со до 4000 милиграми витамин Ц дневно.
2) Витамин Д
Овој витамин ја регулира експресијата на над 2000 гени, вклучувајќи ги и оние од имунолошкиот систем, а се наоѓа во храната и природно се синтетизира од телото кога кожата е експонирана на сончева светлина. Храна богата со витамин Д е масната риба како туна, скуша и лосос, млечни производи и жолчката од јајцето.
3) Ѓумбир
Скорешни студии покажале дека ѓумбирот ја намалува болката и воспалувањата, па затоа се препорачува додавање на ѓумбир во храната или чаеви и домашни џусеви.