Менструалниот циклус е нешто низ кое поминува секоја жена, додека едни поминуваат без ниеден симптом, за други тоа претставува голема тешкотија.
Еве дел од најлошите симптоми кои може да ги имате за време на менструалниот циклус, а доколку немате ниеден од нив значи дека навистина сте родени под среќна ѕвезда:
Постојан глад
Еден од најчестите симптоми кои најмногу иритираат е чувствување на глад дури и после внесениот обилен оброк. Оние кои го имаат голема мака мачат со контролата врз храната, а диетите за нив се невозможна мисија. Единствен начин за да го регулираат е внесување на мала количина на храна која ќе ја консумираат почесто, но често и тоа не помага премногу.
Главоболки
Познато ви е дека во тој период се чувствувате како цело тело да ви се распаѓа, а болки имате низ секој мускул. Сепак, една од поголемите болки кои може да ги почувствувате е главоболката. Чувството дека носите темпирана бомба на вашиот врат која ќе експлодира во секој момент навистина е иритирачко.
Испуштање гасови
За време на циклусот еден од начините да се ослободите од подуениот стомак е да испуштите гас. Иако знае да биде многу непријатно, не се воздржувајте, бидејќи доколку предолго се грчите и држите во себе, како резултат на тоа може да ви се појават дополнителни стомачни болки.
Грчеви
Грчевите често знаат да бидат со голем интензитет. Некои може да се смират со помош на топла вода ставена на стомакот, но ќе добиете пообилно крвавење. Најдобар начин е да ја издржите, но доколку забележите јачината дека се зголемува интензивно земете лек кој е пригоден против менструални болки.