Поддувувањето е вишок на воздух и гас во дигестивниот тракт, а причина за него не е само храната која што ја јадете, туку и некои од секојдневните навики.
Еве што сè може да влијае на оваа состојба:
1) Често џвакате мастики
Многумина џвакаат мастики помеѓу оброците, но кога тоа се прави се голта и воздух кој знае да ги подуе цревата. Покрај тоа, повеќето мастики содржат шеќерни алкохоли кои предизвикуваат гас и подуеност, а оние кои се без шеќер содржат сорбитол кој исто така предизвикува стомачни проблеми.
2) Премногу брзо јадете
Нутриционистите велат дека варењето на храната започнува во устата, а не во желудникот. Кога добро ја џвакаме храната, таа не само што се ситни со што многу полесно се вари, туку и се меша со плунката и специјализирани ензими кои ја разложуваат. Кога јадеме премногу брзо и храната ја голтаме недоџвакана се испушта голем дел од тој процес со што стомакот се оптоварува за да ја свари, што доведува до создавање гас.
3) Често пиете со цевка
Секојпат кога пиете со цевка (на пример утринско смути), пред течноста во организмот прво навлегува воздух.
4) Јадете премногу храна богата со влакна
Растителните влакна помагаат да чувствуваме ситост и да губиме килограми, а промовираат и подобро здравје на срцето. Меѓутоа, пречесто консумирање на храна која ги содржи предизвикува подуеност. Исто така, многу голем дел од спакуваната храна е зајакната со инулин, форма на влакна кои стомакот тешко ги вари.