Сите понекогаш се обидуваме да го избегнеме вежбањето. Дали се работи за откажување од последниот сет повторувања, откажување од кардио вежбите, или невежбање под изговор дека доаѓа викенд и треба да се опуштиме, недостатокот на мотивација му се случува на секого.
Еве неколку начини како тоа да го избегнете
1) Направете го вежбањето пријателски натпревар
Дури и ако по природа не сте компетитивни, туркањето на сопствениот напор во релација со нечиј друг може да претставува огромна мотивација. Без разлика дали некој непознат трча до вас на трака или вежбате со партнер, дозволувањето на нечија друга мотивација да „премине“ на вас ќе ви овозможи подобро да вежбате и да не се откажувате пред време.
2) Обложете се
Од апликации кои ви наплаќаат доколку не вежбате, до пријатели кои ќе инсистираат да дојдете на вежбање со нив, постојат многу начини да се натерате да отидете на тренинг, особено доколку влогот е во кеш. На пример, со пријател обложете се во врска со некои од вашите цели – доколку не отидете во теретана најмалку три пати неделно следните 3 недели, или доколку не ослабете одреден број на килограми за 3 месеци или доколку не успеете да кревате одредена тежина – да морате да му исплатите одредена сума.
3) Најмете тренер
Многумина сметаат дека немаат потреба од персонален тренер и дека знаат што прават, но вежбањето со тренер без разлика на вашата спремност претставува дополнителна мотивација во вежбањето. Имањето на професионалец кој постојано ќе ве потсетува да вежбате со правилна форма, техника и да ве турка понатаму ќе ве тера да се трудите повеќе и да издржите до крај на сите планирани вежби.