Доколку некогаш сте вежбале, најверојатно сте се сретнале со задоцнетиот почеток на мускулна болка, познат како DOMS (delayed onset muscle soreness).
Се работи за болка која се појавува 24-48 часа по интензивен тренинг со тежини, трчање на долги патеки и слични активности на кои телото не е прилагодено.
DOMS имаат симптоми на еден вид на мускулна треска, бидејќи сè ве боли и имате чувство дека гори – што е сосема природно, бидејќи се работи за природен физички одговор на телото.
Овие болки се предизвикани од малите оштетувања на мускулните влакна, а за справување со нив постојат неколку начини:
1) Ресетирајте се
По тренингот, поминете уште 5-10 минути правејќи серија лесни движења и длабоко дишење, кои го смируваат и ресетираат нервниот систем.
2) Движете се дури и ако чувствувате болка
Многумина сметаат дека мускулната болка во деновите по вежбањето значи дека треба да одмараат. Иако не треба да правите интензивни тренинзи во тој период, дефинитивно не треба целиот да го преседите, со тоа болката само ќе се влоши. Затоа, шетајте, истегнувајте се, вежбајте јога и слични активности со кои крвта ќе циркулира во оштетените мускулни влакна и тие побрзо ќе се опорават.
3) Внесувајте доволно протеини и јаглехидради
Вашите мускули се најгладни за протеини кои ги обновуваат и јаглехидрати кои ја полнат енергијата во првиот час по завршување на тренингот. Затоа, секогаш внесувајте во телото адекватна количина протеини и јаглехидради бидејќи со тоа го забрзувате процесот на опоравување.
Се препорачуваат 40 грама протеин со секој оброк, додека количината јаглехидрати треба да варира во зависност од активноста – се препорачуваат 130 грама дневно и 200-250 грама во деновите кога тренирате.