Без разлика дали се подготвувате за маратон или трчате рекреативно, грчевите во нозете се нешто што сите тркачи се обидуваат да го избегнат. Еве што препорачуваат разните експерти да преземете за да ги минимизирате шансите тоа да ви се случи.
1) Бидете хидрирани
Иако истражувањата не потврдиле 100% дека дехидрацијата предизвикува грчеви, експертите веруваат дека таа го редуцира нивото на болката која еден грч ја предизвикува.
2) Внесувајте електролити
Електролитите се јоните во телото кои спроведуваат електрицитет и се важни за разни телесни функции, вклучувајќи го и атлетскиот перформанс. Кога во телото нема доволно електролити, се предизвикува ослабување на мускулите и нивно грчење.
Главните електролити во телото вклучуваат натриум, калиум, хлорид, калциум и магнезиум. Покрај пијалаците кои содржат електролити, истите ги има, помеѓу другото и во бананите, краставичките, кељот и јогуртот.
3) Истегнувајте се пред трчањето
Штом одреден мускул почне да се грчи, лесно истегнување е одличен начин да се намали болката, но истегнувањето пред трчањето ќе му помогне на вашето тело да се загрее, со што се намалуваат шансите од грчеви, истегнување на мускулите и разни други повреди.
4) Не јадете кратко време пред да трчате
Студии покажале дека тркачите кои консумирале големи количини храна еден до два часа пред трката развивале симптоми на стомачна болка.
5) Внимавајте на темпото
Ако некогаш сте трчале во некој натпревар, знаете дека никогаш трката не треба да се започне пребрзо. Освен тоа што бргу ќе се заморите, истото го зголемува и ризикот од грчеви во мускулите.
6) Вежбајте разни видови скокови
Плиометрискиот тренинг вклучува вежби кои го подобруваат атлетскиот перформанс и го одложуваат заморот на мускулите, а со тоа и нивното грчење.
Во нив спаѓаат скокањето јаже и слични вежби кои ја подобруваат координацијата помеѓу мускулите и нервите и ги зајакнуваат мускулите.