Вежбањето со тежини треба да биде дел од сечиј тренинг, а не треба да кревате којзнае колку тешки тегови за да вашето тело се промени, бидејќи и теговите со помала тежина можат да бидат подеднакво ефективни како и тешките, според нова студија од Мекмастер универзитетот во Канада.
Како дел од нивното истражување, канадските доктори следеле програма со тежински тренинзи кај 49 мажи во траење од 12 недели, со 4 тренинга неделно. Од оваа група, едната половина требале да креваат поголеми тежини кои им предизвикувале замор по 10 повторувања, додека втората половина била задолжена да комплетира 25 повторувања со помала тежина.
Резултатите покажале дека и двете групи имале сличен напредок во силата без разлика кои тегови ги користеле.
Но, има и други причини да правите тежински тренинзи, бидејќи тие нудат разни здравствени придобивки како:
1) Поцврсти коски
Тежинскиот тренинг покрај тоа што е добар за мускулите, помага и за густината на коските, бидејќи кога тие се оптоварени со тежини стануваат поцврсти и можат да издржат дополнителен стрес.
2) Подобрување на расположението
Според разни струдии, тежинските тренизни помагаат за намалување на симптомите на анксиозноста и депресијата.
3) Подобрување на физичките перформанси
Тркачите, на пример, можат да станат подобри тркачи доколку прават некоја физичка активност поразлична од трчањето, како што се тежинските тренинзи. Зголемување на силата во клучните мускули и целиот кинетички синџир ги подобрува атлетските перформанси, а служи и за превенција од повреди.
4) Поголема мускулна издржливост и тонирање
Најдобрите физички придобивки од тежинските тренинзи се подобрената мускулна издржливост и мускулно тонирање.