По вежбањето, вообичаено е да болат мускулите (болка позната како DOMS), а тоа трае помеѓу 24 и 48 часа по интензивен тренинг.
Без разлика која е причината за ваквата болка, еве неколку начини истата да се олесни:
1) Користење на ролер
Ролерите од пена ја олеснуваат болката така што вршат притисок врз мускулите и го раскинуваат фиброзното ткиво кое предизвикува напнатост и болка, “омекнувајќи“ ги мускулите по вежбањето
2) Ледени облоги
За таргетирање на одредени мускули може да се користат ледени облоги, а за редуцирање на воспаленијата (преку намалување на дотокот на крв во мускулите) може да послужи и студен туш или купка.
3) Кафе
Кофеинот помага за спречување на мускулните болки – што било докажано со студија каде оние кои консумирале кафе пред вежбањето имале помали мускулни болки во првите 48-72 часа по тренингот во споредба со оние кои не пиеле кафе.
Истражувањата покажале дека пиењето 5mg кафе за секој 1kg. телесна тежина (значи во просек 350mg за човек од 70Kg) ги намалуваат DOMS и до 48%.
4) Омега-3 од рибино масло
Во скорешна студија било докажано дека жените кои користат суплемент од рибино масло пред и по вежбањето искусуваат до 42% помала функционална мускулна болка 48 часа по тренингот, во споредба со жените од плацебо групата. Се верува дека омега-3 масните киселини помагаат за редуцирање на воспаленијата и забрзување на опоравувањето на мускулите.
5) Масажа
Масажата помага за намалување на болката на клеточно ниво, така што ја намалува инфламацијата и ја зголемува клеточната активност во масираните мускули.