Постојат многу причини зошто раните не ви заздравуваат побргу отколку што тоа го правеле порано. Некои од факторите како староста или здравствени пореметувања како дијабетесот не можеме да ги промениме, но многу други фактори можеме.
1. Здрава исхрана
Бидејќи за заздравувањето на раните се потребни одредени хранливи состојки, важно е нашата исхрана да е избалансирана и богата со протеини, витамин А, витамин Ц, и цинк.
Протеинот најчесто се внесува преку месните и млечни/соини производи, додека витамините преку разни овошја и зеленчуци. Многу житарки за доручек се засилени со цинк, кој го има и во остригите, гравот, оревите и др.
2. Физичка активност
Истражувањата сугерираат дека вежбањето може да го забрза процесот на заздравување на раните, што се должи на подобрената активност на имунолошкиот систем. Зголемениот доток на крв во ткивата, пак, може да ја намали инфламацијата т.е воспаленијата поврзани со оштетеното кожно ткиво.
3. Користење на завој
Користењето на завој се препорачува за помалите повреди бидејќи го заштитува местото од понатамошна траума – случајна или намерна (предизвикана од чешање, допирање на кожата и сл.).
Завојот може и да го спречи сушењето на кожата, а познато е дека влагата може да го забрза заздравувањето и да го редуцира создавањето на лузни и красти.
4. Помалку цигари
Цигарите може да го забават процесот на заздравување на раните на неколку начини. Токсичните состојки од димот (никотинот, јаглерод моноксидот и водород цијанидот) значително придонесуваат за тоа.
5. Намалување на внесот на алкохол
Како и пушењето, пиењето алкохол го редуцира нивото на белите крвни клетки и клучните протеини кои играат голема улога во заздравувањето на раните.
Оние кои ќе се повредат под дејство на алкохол се со зголемен ризик на бактериска инфекција како и од поголемо крварење.