Колагенот е најзастапениот протеин во кожата, а покрај еластичните ткива, го има и во дермисот (средниот слој) на кожата кој и ја дава цврстината и исполнетоста.
Колагенот го има и во коските, тетивите, лигаментите, органите, мускулите, крвните садови, косата и е главната компонента на нашите сврзни ткива, па поради тоа често се вели дека тој е „лепакот“ кој ни го држи телото заедно.
Консумирањето на колаген не е ништо ново. Желатинот е зготвена форма на колаген и се добива со варење на животинската кожа, ‘рскавица и коски во вода, а често пати се користи како зацврснувач во разните пудинзи и овошни желеа како и во тортите, јогуртот, сладоледот, супата, па дури и витамините како обвивка за капсули.
Колагенот ја одржува нашата кожа „исполнета“ и младешка, но за жал во неа има и ензим кој ги крши врските во колагенот. Иако нашите тела создаваат колаген секојдневно, по 25-тата година губиме повеќе колаген отколку што телото произведува, што е причината за појава на брчки, ослабување на зглобовите, опуштање на кожата и сл.
Бидејќи тоа се случува, пиењето на колаген може да го подобри тонот на кожата и нејзината еластичност, што му помага на телото да формира нови резерви колаген. Исто така е докажано дека пијалаците и прашоците кои содржат колаген содржат и антиоксиданси кои ја заштитуваат кожата со тоа што ја ограничуваат продукцијата на слободните радикали кои ги оштетуваат кожните клетки.
Скорешни студии имаат покажано поврзаност помеѓу оралните суплементи со колаген пептид и подобрувањето на текстурата и растот на ноктите, како и со зголемувањето на хидрацијата на кожата,
Една порција прашок од колаген има и протеин – до 18 грама во две мерици – па така ваквите суплементи нудат повеќекратни здравствени придобивки.
Покрај стареењето, консумирањето премногу шеќер или алкохол, интензивното изложување на сончевите зраци како и пушењето ја намалуваат продукцијата на колаген во телото. Поради тоа здравата, балансирана исхрана е најлесниот начин таа да се подобри на природен начин.