Некои моќни хранливи состојки кои ги има во храната, но и во форма на суплементи помагаат за олеснување на ПМС, ја зголемуваат сексуалната желба и го подобруваат здравјето на женскиот репродуктивен систем.
1) Магнезиум
Овој минерал ги релаксира мускулите со што се намалуваат грчевите, а го балансира и нивото на инсулин што помага во состојби како што е полицистичниот оваријален синдром. Препорачаната доза е 320 милиграми дневно (преку суплементи, бадеми, ленено семе и мешунки).
2) Витамин Д
Ниското ниво на витаминот Д е поврзано со габични инфекции како и инфекции на уринарниот тракт и бактериска вагиноза. Овој витамин ја зголемува продукцијата на антимикробни состојки наречени кателицидини, а го има во лососот, зајакнатите млечни производи и секако како суплемент.
3) Мака
На располагање во форма на прашок, оваа билка содржи мешавина од калциум, магнезиум и витамин Ц и ги балансира хормоните на стрес кои ја убиваат сексуалната желба. Се препорачува додавање на овој прашок на утринското смути.
4) Растителни влакна
Иако примарно се најкорисни за здравјето на стомакот, тие помагаат и за исфрлање на вишокот естроген од телото, што може дополнително да го редуцира ПМС-от.