И покрај редовно вежбање и јадење на правилно балансирана исхрана, сепак може да се случи одредени есенцијални витамини или минерали да ги внесувате во премало количество.
1) Недостаток од железо
Железото е есенцијално за формирањето на црвените крвни клетки и е вообичаена витаминска дефициенција кај бремените жени, како и за време на менструација. Недостатокот од овој минерал предизвикува анемија која е поврзана со умор, бледа кожа, губење на здивот и срцева аритмија.
Железо преку храната може да се внесе со јадење на црвено месо, сардини, јајца, грав, леќа, спанаќ и друго, а по препорака на доктор на располагање се и разни суплементи.
2) Недостаток на витамин Д
Симптомите на оваа дефициенција вклучуваат слабост, остеопороза, фрактури, ослабување на имунолошкиот систем, и депресија. За внес на овој витамин потребно е да се јадат масни риби (лосос, скуша и сл.), јајца, печурки и др.
3) Недостаток на витамин Б12
Овој витамин помага за креирање на здрав имунолошки систем и е важен за формирањето на црвените крвни клетки. За да внесувате доволно Б12, се препорачува јадење на месо, црн дроб, јајца и млеко.
4) Недостаток на магнезиум
Магнезиумот природно ги релаксира мускулите, а неговиот недостаток го зголемува ризикот од тип 2 дијабетес, грчеви во мускулите, замор, фибромиалгија, хипертензија и мозочен удар. Добар извор на магнезиум се морската храна, брокулата, зелката, зрната, оревите и чоколадото (особено темното).
5) Недостаток од фолати (фолна киселина)
Фолатите се есенцијални за формирањето на нови клетки, а помагаат и за регулирање на концентрацијата на амино киселината хомоцистеин. Може да ги внесете преку зелени лиснати салати, јајца, леблебија, грав, леќа и др.
6) Недостаток на витамин Б2
Недостатокот од витаминот Б2 (рибофлавин) предизвикува воспалување на грлото, инфламација на устата и јазик, како и суви и распукани усни.
За да тоа се избегне, се препорачува јадење на јајца, млеко, месо, риба, зелен зеленчук, како и зајакнат (со минерали и витамини) леб и житарки.
7) Недостаток на витамин К2
Овој витамин познат и како менаквинон им е потребен на жените на 40-годишна возраст. Високото ниво на стрес и хормоните лоши влијаат на здравјето на коските, а најчестите случаи на остеопенија и остеопороза се јавуваат токму кај овие жени.
Храна која го содржи се јајцата, ферментираната соја, сирење, темното пилешко месо, путерот и др.
8) Недостаток на калциум
Калциумот е есенцијалниот минерал кој помага за развивање на здрави нерви, коски и органи. Се препорачуваат три порции со млечни производи дневно за да се внесе препорачаната дневна доза калциум.
9) Недостаток на калиум
Калиумот е од суштинско значење во функцијата на пумпање на срцето, сигнализација на нервите, регулација на крвниот притисок и балансот на течности. Извори на калиум се слаткиот компир, фстаците, леќата, белиот грав, бананите и др.