И покрај многуте истражувања кои докажуваат колку може експонирањето на сонце да биде опасно, многумина не користат креми за заштита секојдневно, со тоа зголемувајќи го ризикот од изгореници и неколку видови на рак на кожата.
Без разлика дали се сончате или едноставно седите во автомобил изложен на сонце долг период, од исклучителна важност е секојдневно да се аплицира крема за сончање бидејќи кожата е изложена на ризик дури и во постудените, облачни денови.
Еве кои сè грешки кои често се прават, а кои ги саботираат ефектите од заштитните креми за сончање:
1) Не користите крема секој ден
Без разлика што вели временската прогноза, заштитна крема против сонце треба да се користи секој ден доколку се движите на отворено. Сонцето емитира два вида на ултравиолетова (UV) радијација која предизвикува генетски мутации и оштетувања на ДНК, што може да доведе до рак на кожата. На овие зраци сме експонирани кога сме на отворено, без разлика дали е облачно, студено или има ветер.
2) Не ставате крема во доволна количина
Американската академија за дерматологија препорачува со околу 30gr. крема да се покрие целата експонирана кожа, од која една четвртина треба да се стави на лицето. Колку повеќе крема, толку подобро.
3) Не се мачкате повеќе пати
Обично по едно мачкање, повеќето сметаат дека кожата е заштитена цел ден, што според дерматолозите воопшто не е точно. Тие препорачуваат кожата да се мачка најмалку на секои 2 часа кога сте изложени директно на сончева светлина, а уште почесто ако пливате, се потите, или се бришете со крпа.
4) Ставате крема врз шминка
Доколку планирате да се шминкате, важно е кремата за сончање да се аплицира на правилен начин. Таа треба да се намачка пред било кој друг козметички производ на чисто и суво лице, вклучувајќи ги и деловите кои обично се забораваат при мачкањето како што е вилицата и делот на кожата каде што започнува косата.
5) Ја ставате кремата откако ќе бидете надвор
На кремите, особено оние со голема заштита, им е потребно време да се апсорбираат во кожата, што значи дека доколку кремата ја ставате откога веќе сте седнале да се сончате, веќе е предоцна.
Се препорачува аплицирање на кремата најмалку 15 минути пред да излезете надвор.
6) Не се мачкате насекаде
Повеќето не се мачкаат на неколку важни делови од телото, експонирајќи ги на оштетувања од сонцето. Такви вообичаени области ги