Секое лето се зголемуваат бактериските инфекции предизвикани од храната, што е резултат на топлото време кое на бактериите им овозможува побрзо да се размножуваат, како и на условите за складирање на храната кога таа се транспортира, приготвува и јаде на отворено.
Најчестите инфекции предизвикани од бактериите Campylobacter и Salmonella се добиваат преку недоволно термички обработено пилешко, живина или прасечко месо.
1) Внимавајте пакувањето да не е оштетено
Кога купувате спакувано месо во супермаркет, внимавајте амбалажата да нема дупки или слични оштетувања и да е студено на допир
2) Мијте ги рацете пред и по допирање на храната
Доколку подготвувате месо на отворено, задолжително сите треба да ги измијат рацете (не само оној кој ја подготвува) со вода и сапун
3) Чувајте ја храната во ладилник или замрзнувач.
Месото секогаш треба да се чува во ладилник или замрзнувач сè додека не му дојде редот за готвење.
4) Користите посебни чинии
Никогаш не ја ставајте зготвената храна во иста чинија каде претходно стоело живото месо или риба.
5) Користете термометар за храна
Мерењето на внатрешната температура на месото кое го готвите е најдобар начин да знаете дали тоа е доволно зготвено, а со тоа и безбедно за јадење. Кокошката/живината треба секогаш да се готви додека нејзината внатрешна температура не изнесува 74 °C. Најдобро е да отпечатите листа со препорачани температури за секој вид на месо и таа секогаш да е во близина кога готвите.