За лечење на несоницата постојат неколку корисни рецепти, а доколку патите од ова пореметување, препорачливо е да го испробате секој од нив по десет дена и да видите кој рецепт е најефикасен за вас.
Рецепт 1
Подгответе чај од еднакви количини мајчина душица, кантарион и листови од капина. Чајот се засладува со мед и се пие на празен желудник, пред спиење, по половина децилитар. Во текот на денот пијте уште три децилитри чај засладен со мед и со малку свеж лимонов сок.
Рецепт 2
Дневно пијте по четири децилитри лимонада која се подготвува на следниот начин: во помало стаклено шише ставете три и пол децилитри сварена и оладена вода, четири супени лажици мед, свеж сок од еден лимон и две гранчиња рузмарин.
Состојките измешајте ги и оставете ги да отстојат една ноќ. Покрај тоа, наутро на празен стомак и навечер пред спиење изедете една коцка шеќер натопена во свеж лимонов сок, а после тоа испијте половина децилитар умерено сварен чај од цветови од глог.
Рецепт 3
Третиот рецепт е мошне едноставен. Имено, бидејќи кантарионот е познат како ефикасен сојузник во борбата против несоницата, сварете чај од 20 грама кантарион и испијте го некое време пред да се подговтите за спиење.
