Мислевте дека мажите се оние кои не сакаат да користат кондоми? Тогаш се лажете, бидејќи најновото британско истражување открива дека жените се оние кои помалку мислат на сигурен секс. Верувале или не, 70 отсто од жените кои редовно имаат сексуален однос не користат кондоми.
Според резултатите од истражувањето, една петина од нив е под влијание на алкохол па не стигнуваат да мислат на заштита, додека 8 отсто од испитаничките велат дека не поднесуваат секс со кондом.
- Овие резултати навистина не изненадија. Отсекогаш постоеше мислење дека мажите се оние кои избегнуваат кондоми, но очигледно дека тоа мислење било погрешно. Студијата исто така открива дека кога страстите ќе се распламтат, 12 отсто од жените признаваат дека концентрацијата не секогаш им е при рака, вели Енди Мекрој од Универзитетот во Лидс и додава дека на заштита не внимаваат ниту девојките кои ја поминале 30-та година.
Британското истражување исто така покажува дека жените се срамат да го покренат прашањето за контрацепција, иако таа е подеднакво важна за мажите и жените, дури и мажите кога не покажуваат интерес, жените треба да инсистираат на заштита.
Проблемот посебно е изразен за време на празниците и годишните одмори, кога жените и мажите полудуваат и никој не мисли на заштита. Жените најчесто не знаат ништо за мажот кој само што го запознале, а сексот без кондом ги зголемува можностите за полови болести.