Непријатното чувство во желудникот, мачнина, надуеност и кисел вкус во устата се најчести симптоми на киселини во стомакот. Киселините најчесто се предизвикани од зачинета храна, газирани сокови и алкохол, кои секако треба да се одбегнуваат, а зачестената непријатна појава може да се смири со помош на пет природни лекови.
Куркума
Куркумата станува сè попоуларен зачин, чии лековити својства го забрзуваат поминувањето на храна низ дигестивниот систем и ја спречуваат појавата на желудочните киселини.
Јаболков оцет
Само една лажица природен јаболков оцет помешан со 2 дл. вода, помага да се ублажат киселините. Имено, оцетот ја разредува желудочната киселина, а витамините и минералите кои се наоѓаат во јаболковиот оцет создаваат алкална средина во желудникот и ги елиминираат штетните бактерии. Оцетот, разреден во вода, се препорачува да се пие за време на оброкот и наутро на празен желудник.
Босилек
Босилекот, како еден од најпознатите зачини, изобилува со етерични масла чии лековити својства се особено ефикасни за проблемите со дигестивниот систем. Иако најдобро е да се користи свежо набран како зачин во храната, бидејќи ги ублажува желудочните киселини, ефикасен е и консумиран како чај.
Ким и анасон
Ова се најбрзи ситни јунаци кои ги неутрализираат последиците од консумирањето на зачинета храна. Затоа, доколку сте ја прекршиле правилната исхрана, направете си ладна мешавина со еден литар вода и една лажица помешани семки од ким и анасон. Оставете го напитокот да отстои еден час, а потоа процедете го и пијте го после секој оброк по една чаша, во мали голтки.
Банани
Бананите и тоа како се пожелни во борбата против желудочните киселини. Бананата создава природна одбрана против киселини во телото, па затоа се препорачува нејзината консумација кога и да почувствувате горчина и подуеност.