Последица на забрзаниот начин на живот исполнет со стрес, лошиот избор на исхрана и недоволната физичка активност сè почесто се одразува на квалитетот на сонот. Голем е бројот на луѓе кои патат од несоница, а познато е дека недостатокот на сон негативно делува на обавувањето на секојдневните функции. За да бидете наспани и свежи, а на телото да му го обезбедите потребниот одмор, потребно е истото да го опуштите и да го прочистите. Во тоа ќе ви помогне зелениот сок направен од шест моќни пријатели од природата.
Состојки:
- 1 краставица
- 1 парченце од корен од ѓумбир
- 1 сок од лимон
- 2 целера
- 1 зелено јаболко
- 9 стапчиња аспарагус
Подготовка:
Аспарагусот потопете го во ладна вода и оставете ги да отстои пет минути. Краставицата и јаболкото излупете ги и исечкајте ги на парчиња. Наведениот зеленчук, заедно со парченцето ѓумбир, целерот и сокот од лимон, ставете го во блендер и добро измиксајте.
Напитокот кој го опушта телото најдобро е да се консумира после ручек. Состојките од зеленчукот позитивно ќе влијаат на најчестите причинители на несоницата – потешкотиите при варењето на храната, зголемениот крвен притисок и стресот.
Имено, дури 93 проценти од аспарагусот отпаѓаат на вода, па заради тоа истиот е идеална намирница за здравје на организмот. Покрај тоа, аспарагусот изобилува со витамините А, Ц, К и Е, а претставува и добар извор на растителни влакна. Заради изобилството на фолна киселина која ја содржи, опуштачкото и смирувачко дејство врз организмот е загарантирано.
Минералите и етеричните масла кои се наоѓаат во целерот, пак, имаат смирувачки ефент врз нервниот систем, што е корисно токму во борбата против несоницата. Високото ниво на магнезиум, со кој изобилува целерот, придонесува организмот да се опушти.
Ѓумбирот е се популарен корен кој има силни диуретички својства и смирувачко дејство на системот за дигестија, што е корисно токму во борбата против несоницата, додека високото ниво на магнезиум, кој го содржи, дополнително ќе го релаксира телото.
Иако краставицата е најпопуларно природно средство за отстранување на последиците на стресот и заморот од кожата, овој зеленчук го смирува целиот организам, благодарение на калиумот и магнезиумот кои ги содржи, а кои се погодни за намалување на крвниот притисок.