Новото истражување носи сосема неочекувани резултати кои се однесуваат на вегетаријанската исхрана. Иако воглавно се мисли дека исхраната со овошје и зеленчук е многу поздрава од онаа која вклучува големи количини на месо, резултатите од научната студија покажуваат дека вегетаријанците се помалку здрави и имаат полош квалитет на животот, за разлика од оние кои консумираат месо.
Наспроти раширеното мислење, новото истражување ја покажало поврзаноста на вегетаријанската исхрана со лошото здравје и лошиот квалитет на живот. Исто така, се покажало дека вегетаријанците почесто ги посетуваат лекарите, за разлика од месојадците и се посклони кон алергии, заболувања од карцином и ментални проблеми.
Како што наведуваат научниците, вегетаријанците имаат двојно поголем ризик од алергии и 50 проценти поголем ризик за срцев удар и рак, како и значајно поголема веројатност дека ќе заболат од депресија, пренесува CBS Atlanta.
Но, истражувањето кое го спровеле научниците на Медицинскиот универзитет во Граз, Австрија, открило дека вегетаријанците во еден сегмент се сепак поздрави од оние кои консумираат месо. Бројките покажуваат дека вегетартијанците генерално се поактивни, помалку пијат алкохол, поретко пушат и имаат понизок индекс на телесна маса.
Истражувањето исто така покажало дека на вегетаријанскиот начин на исхрана почесто се одлучуваат оние од повисок социоекономски статус.