Доколку испиете нешто повеќе од половина литар пиво нема да ви израсне „пивски стомак“, ниту пак, ќе се здебелите, бидејќи не постои механизам кој би влијаел на складирање на мастите во пределот на стомакот како последица на консумацијата на толкава количина пиво, покажуваат истражувањата.
Но, доколку пиете повеќе од еден литар пиво на ден, а покрај тоа и прекумерно јадете, вашиот стомак неизбежно ќе се зголеми, а килограмите ќе се накачат. Тоа значи дека умереното уживање во пивото не влијае на создавање на „пивски стомак“, туку насобирањето на масно ткиво е последица на прекумерно јадење и пиење, а тоа го потврдуваат бројните истражувања.
Експертите тврдат дека за мажите прифатливата граница изнесува 3-6 дл пиво на ден, додека за жените до 3. Доколку се придржувате до овие препораки, нема да имате ризик од зголемување на телесната маса или стомакот.
За пивото познато е дека има слична енергетска вредност како млекото, а во него нема никакви скриени соединенија кои би го поттикнале дебелеењето и „пивскиот стомак“. Имено, повеќе од 90 проценти од пивото отпаѓаат на вода, истото не содржи масти, има ниска содржина на протеини, а јаглехидратите кои се наоѓаат во него потекнуваат од јачменот.