Доколку спаѓате во групата на луѓе кои ги мачи нискиот крвен притисок, пожелно е туширањето секогаш да го завршувате со ладна вода. Кои се другите совети кои ви ги препорачуваат експертите?
Користете поголема перница
Кога ќе легнете во кревет, ставете неколку перници под главата и тилот, за преминот од лежечка во стоечка положба да не биде премногу нагол. На тој начин ќе ја избегнете вртоглавицата.
Јадете помалку и почесто
Крвниот притисок е најнизок за време на првиот час после јадењето. Тој опаѓа затоа што на организмот му е потребна крв за да може дигестивниот систем да си ја изврши својата задача. Овој ефект ќе биде помал доколку внесувате помали оброци храна.
Туширањето завршувајте го со ладна вода
Наизменичното туширање со топла и ладна вода придонесува за зајакнување на крвните садови. Заради брзите промени на температурата, крвните садови брзо се собираат и се шират, па полесно се прилагодуваат на надворешните услови. Туширањето секогаш завршувајте го со ладна вода. Ефектот ќе биде уште поголем доколку со сува четка ја масирате кожата во насока на срцето.
Избегнувајте алкохол
Алкохолот има повеќе негативни дејства: поттикнува исфрлање на течности од организмот, ја попречува работата на центарот за рамнотежа во мозокот и ја забавува работата на срцето. Покрај тоа, негативно влијае на малите нервни завршетоци кои се одговорни за стеснување на крвните садови, заради што симптомите на пореметување на циркулацијата се влошуваат.
И соленото е дозволено
Кујнската сол ја врзува течноста во организмот, со што крвниот притисок благо се зголемува. Посолените оброци ќе придонесат да се чувствувате подобно, но никако не смеете солта да ја консумирате во прекумерни количини бидејќи истата носи штетни последици по здравјето.