Освен што подуеноста и нејзините нуспојави можат да бидат непријатни кога сме во друштво, таа исто така предизвикува и незгодни грчеви во желудникот.
Со недоволно изџваканата храна, но и производите со поголемо количество на јаглехидрати и лактоза во дигестивниот систем се појавуваат гасови. Бидејќи одредени зачини и растенија ги смируваат цревата и го олеснуваат варењето ви предложуваме идеја како да ги искористите и да се чувствувате подобро.
Најчест причинител за подуеноста и претераното насобирање на гасови е комбинацијата на недоволно џвакање на храната, поради што се голта повеќе воздух отколку што е потребно, видот на храната што се јаде (млеко, одредени видови на житарки, зелка и сл.) и бактериите присутни во цревата.
Но, постојат билки кои, поради зголеменото создавање на ензими потребни за целосно и ефикасно варење ги хранат бактериите кои создаваат гасови и оставаат помалку „гориво“.
Тие се викаат карминативи и богати се со етерични масло кои имаат благотворно и смирувачко дејство на варењето.
Тука спаѓаат зачините како анасон, ѓумбир, нане и мајчина душица.
За да се засили нивното смирувачко дејство многумина овие зачини ги комбинираат со камилица, а ги ставаат и во јогурт со активни култури, со што добиваат пијалак кој го смирува варењето и го освежуваат денот.
Рецепт за пијалок за олеснување на варењето:
- 1 чаша изладен чај од камилица
- 1 чаша јагоди
- 1 чаша парчиња ананас
- 1 јогурт со пробиотик бактерии
- 1 лажичка мед
- 1 чаша коцки мраз
Сите состојки се ставаат во блендер и се миксаат додека не се постигне едночлична смеса.