Водата од продавниците со вкус и состојки кои ветуваат убава линија всушност е преполна со вештачки засладувачи кои на организмот му нанесуваат повеќе штета отколку корист.
Доколку сакате да се освежите пробајте го овој домашен витамински напиток кој е природен, а воедно ви го прочистува организмот, ги топи масните наслаги и го подобрува варењето на храната.
Состојки:
- 2 литри вода
- 1 мала лажичка рендан свеж ѓумбир
- 1 краставица со средна големина
- 1 лимон
- 12 ливчиња нане
Подготовка:
Краставицата и лимонот исечете ги на кругчиња, а доколку се домашни и непрскани пожелно би било да им ја оставите и кората. Потоа ставете ги во стаклен сад и додадете ги останатите состојки, па сето тоа прелијте го со двата литри вода. Мешавината ставете ја во фрижидер и оставете ја да отстои најмалку 8 часа, со повремено промешување.
Состојките во домашната витаминска вода имаат особено полезно дејство на стомакот, бидејќи го смируваат дигестивниот систем, а со тоа го ослободуваат телото од насобирање на токсини.
Лимонот е најпознат по неговата богата содржина на витамин Ц, а покрај тоа тој ја поттикнува работата на органите одговорни за прочистување на организмот.
Краставицата содржи 90 проценти вода и придонесува за ослободување на состојки заслужни за детоксикација на телото.
Ѓумбирот помага при одржување на гликемискиот индекс, а воедно ги олеснува грчевите и помага против тегоби.
Нането го стимулира согорувањето на масните наслаги, помага во елиминација на токсините од телото, а исто така ги олеснува и болките во стомакот.