Дури и бебињата може да бидат напнати и под стрес, иако ни се чини дека баш и немаат за што да се бунат. За да водите поздрав и поурамнотежен живот со вашите деца, добро е да знаете да ги препознаете симптомите на стрес кај нив.
Д-р Адел Кадие, од детската болница во Мичиген, тврди дека постојат 6 знаци преку кои родителите можат да проценат дали стресот може да предизвика некои сериозен проблем кај нивното дете.
Шест знаци за стрес:
- Зголемени проблеми при однесувањето и емоционалните реакции
- Промени во ритамот на спиење (помалку или повеќе сон)
- Промени во апетитот (некои деца го губат апетитот додека други се хранат со нездрава храна)
- Промени во училиштето
- Промени во здравјето (најчесто главоболки и болки во стомакот), обично пред некои активности
- Промена во комуникацијата со семејството и пријателите (повлекување и незаинтересираност за интеракција)
Кога треба да се загрижите?
- Константно ќе забележувате промени кај своите деца. Сепак, ако симптомите почнат значајно да влијаат во рутината на секојдневието, време е да побарате стручна помош. Дали се работи за стрес или за друг скриен проблем, помошта од педијатарот може да биде добар чекор кој многу ќе ви помогне, изјави д-р Кадие.
Бидете пример
Докторката советува дека родителите треба да бидат добар пример од кој децата ќе учат како да напредуваат со стресот. Што значи тоа?
- Придржувајте се до рутините – оброците и спиењето треба да се во исто време, како и некоја физичка активност.
- Хранете се здраво
- Пред стресни ситуации испланирајте како ќе го олеснете стресот пред децата
- Намалете го користењето на технологијата во домот – имајте одредено време за технологија, а особено повеќе време за дружење со семејството.
- Поставите специфички и конзистентни правила со цел децата да разберат што се очекува од нив. Охрабрувајте ги и пофалувајте ги за нивните успеси.