За време на летните денови сите сакаме да поминуваме колку што можеме повеќе време на отворено. Но, свесни ли сте какви опасности владеат во вашиот двор? Ви ги откриваме шесте најчести:
Пестициди
Хемикалиите од пестицидите, кои се наоѓаат на тревата, без проблем можат да преминат на децата и домашните миленици, додека си играат. Исто така, пестицидите од загадените потоци или езера лесно можат да ја контаминираат питката вода. Изложеноста на пестициди се поврзува со зголемен ризик од појава на рак и пореметување на хормоните кои би можеле да предизвикаат проблеми со штитната жлезда или неплодност.
Кучешки измет
Колку и да мислите дека тоа е добро природно ѓубриво за вашите растенија, експертите велат дека тоа не точно. Тие предупредуваат дека во изметот на вашето домашно милениче постојат бројни опасни бактерии бидејќи тоа може да има вирус или паразити, а вие да не знаете за тоа. Кога тие ќе дојдат во контакт со вашата кожа, многу лесно се пренесуваат и влегуваат во организмот. Затоа, редовно чистете после вашето куче и избегнувајте да одите боси.
Крлежи
Крлежите се многу опасни бидејќи доколку ви се закачат, може да ви пренесат лајмска болест. Исто така, ако не побарате на време лекарска помош, може да предизвикаат артритис, менингитис и проблеми со срцето. За да го избегнете тоа, редовно и темелно прегледувајте го вашето тело после поминато време во природа.
Пчели
Доколку сте алергични на пчели, треба да бидете особено внимателни. За да успеете делумно да ги избегнете, избегнувајте облека во јаки бои и прескокнете го ставањето парфем. Обидете се да не јадете или пиете ништо слатко бидејќи и тоа ги привлекува пчелите.
Палење на искосена трева или измет
Покрај опасноста од предизвикување на пожар, кој лесно може да излезе од контрола, палењето на отпадот може да испушти хемикалии и да предизвика сериозни здравствени нуспојави, вклучувајќи астма, потешкотии во развојот, како и застој на работата на бубрезите и на црниот дроб.
Сончање
За бројните штетни последици на прекумерното изложување на сончевите зраци, кое може да предизвика дури и рак на кожата, не треба да ви повторуваме. Задолжително заштитете се со чадор и крема со заштитен фактор и не претерувајте со сончањето.