Покрај редовното миење на забите и одржување на добра хигиена на усната шуплина, за да немате проблеми со здивот мора да внимавате и на храната која ја внесувате, бидејќи непријатната миризба може да доаѓа од вашиот желудник.
За справување и со двата проблеми одеднаш, ви претставуваме природен и ефтин напиток од магдонос кој го елиминира лошиот здив, а истиот можете многу лесно и брзо да го направите сами.
Зелените ливчиња на магдоносот имаат силна и свежа арома, а нивната интензивна и зелена боја која укажува на изобилство на хлорофил е најдобар природен борец против лошиот здив бидејќи поседува антибактериски својства.
Иако џвакањето на свежи ливчиња на магдонос се препорачува после консумирање на оброк кој во себе содржи состојки кои предизвикуваат лош здив, чајот од магдонос е најпрактичен и најефикасен метод за елиминирање на лошите бактерии.
Состојки:
- половина рака свеж магдонос
- половина литар вода
Во тенџерче ставете половина литар вода и додадете го исечканиот магдонос, па оставете да врие околу 5 минути. Потоа процедете го напитокот, оладете го и консумирајте го после секој оброк.