Кефирот е култивизиран млечен производ кој по вкусот многу наликува на јогуртот, но сепак овие два напитоци се разликуваат меѓу себе. Кефирот потекнува од Кафказ, а се верува дека името го добил по турскиот збор „кеиф“, кој ни е познат и нам, а подразбира добро чувство.
Во продолжение дознајте какви сè предности за здравјето ни носи овој драгоцен напиток.
Калциум
175 мл кефир содржи околу 20% од препорачаната дневна доза на калциум, минерал кој е многу важен за здравјето на забите и коските.
Пробиотици
Јогуртот е извор на пробиотици, живи организми, вклучуваајќи и здрави бактерии, кои природно се наоѓаат во нашиот дигестивен тракт. Овие организми помагаат во оневозможување на растот на штетни бактерии и во зајакнување на имунитетот.
Но, сепак кефирот е три пати подобар извор на пробиотици од јогуртот. Тоа е заради фактот што кефирот се добива со ферментирање на млеко со 10-20 различни видови бактерии и квацес, додека јогуртот ферментира само со неколку вида. Тоа доведува до поголема застапеност на пробиотици во финалниот производ.
Триптофан
Познато ви е она поспано и опуштено чувство кое ви се јавува после јадење? За истото можеме да и’ се заблагодариме на амино-киселината позната под името триптофан. Триптофанот се наоѓа и во составот на кефирот, што значи дека и тој има опуштачки ефект.
Дигестија
Истражувањата покажуваат дека кефирот го подобрува варењето на лактозата, со намалени или никакви симптоми на нетолеранција. Исто така, истражувањата покажуваат дека тој е делотворен и во спречување и лечење на други потешкотии во системот за дигестија.
Протеини
Кефирот е одличен начин да вклучите повеќе протеини во исхраната, без дополнителни калории. Една порција чист, немасен кефир содржи помалку од 100 калории, но истовремено обезбедува и 10,5 грама протеини, кои можат да ви помогнат да се чувствувате сити без притоа да внесувате и масти. Обрнете внимание да не купувате кефир со дополнителни шеќери, бидејќи таквите варијанти имаат дополнителни калории.
Витамин Б
Кефирот е извор на неколку витамини од групата Б, кои се од голема важност за општото здравје и правилното функционирање на организмот. Тој содржи витамин Б12, кој е важен за крвта и за нервниот систем, како и витамин Б1 (познат како тиамин), кој е неопходен за успешно справување со стресот. Покрај тоа, кефирот содржи и биотин, Б витамин кој му помага на телото да ги апсорбира другите витамини од групата Б.
Кефиран
Кефиранот е полисахарид кој се наоѓа во кефирот, а истражувањата го поврзуваат со намален холестерол и крвен притисок.
Шеќер
На пазарот може да се пронајдат повеќе видови на кефир кои содржат разни ароми, како овошни или арома на ванила. Но, нивниот недостаток е тоа што тие содржат голема количина на шеќери. Затоа, помудро е да набавите страндарден кефир и самите да го ароматизирате доколку имате потреба. Збогатете го со било кое овошје и ќе добие одличен вкус.
Фосфор
Фосфорот е вториот најзастапен минерал во нашиот организам, а токму кефирот го содржи во значајни колчини. Ова е добра вест, бидејќи фосфорот е потребен за нашето тело да може да ги користи јаглените хидрати и протеините за раст на клетките и како извор на енергија.