Сте размислиле ли колку често треба да ја менувате перницата на која спиете? Научниците велат дека тоа треба да го правите на секои 6 месеци. Да точно прочитавте! И тоа секако не станува збор за навлаката, туку за замена на целата перница со нова, бидејќи тајната која ја кријат долго користените перници е грозна.
Според експертот Роберт Оксмен, идеалниот период за промена на перницата е 6 месеци, а крајната граница изнесува 2 години. Тој истакнува дека оваа површина, на која го лепите лицето секоја вечер, со текот на времето станува дом на разни микроорганизми и мртви клетки од кожата, покрај кои сигурно не би сакале да спиете. Нечистотијата, маснотијата и мртвите клетки од кожата остануваат заробени во перницата, заради што нејзиното долгогодишно користење може да доведе до појава на акни.
Тоа не се единствените работи што се кријат таму! Грините, кои припаѓаат на фамилијата на пајаците, обожуваат да се вгнездуваат во внатрешноста на перницата, како и на постелнината и на теписите. Потоа, таму може да се најде и насобраната прашина, која може да предизвика сериозни здравствени проблеми.
Од помош би можело да биде редовното перење на постелнината, како и на самата перница, доколку не можете да си дозволите толку често да набавувате нова.
Душекот, пак, би требало да го менувате на секои 5 до 10 години, според мислењето на експертите.