Уште од најстари времиња, луѓето знаеле дека морето позитивно влијае на здравјето. Хипокрaт, чија заклетва докторите до ден денес ја полагаат, многу од своите пациенти ги лечел со вода богата со минерали. Модерната наука ги потврди неговите сознанија, а ние ви претставуваме четири здравствени причини зошто веднаш да заминете на море и да пливате во солената вода.
Го зајакнува имунолошкиот систем
Морската вода е полна со витамини, сол, аминокиселини и микроорганизми кои делуваат како природни антибиотици при што му помагаат на телото во борба против штетните бактерии. Вдишувањето на морскиот воздух во вашето тело ќе ги внесе негативните наелектризирани јони, кои исто така се важни за одбрана на организмот. Исто така, пливањето ќе ги отвори порите на кожата, со што се забрзува отстранувањето на токсините.
Ја зголемува циркулацијата
Пливањето на големо допринесува за квалитетот на работата на циркулацијата, а потоплата морска вода може да ги надомести минералите изгубени поради стрес, лоша исхрана и надворешното загадување.
Го балансира организмот
Додека пливате во море, вашиот организам почнува сам да се лекува, намалувајќи ги симптомите на болести како што се астмата, бронхитисот и воспаленијата. Водата богата со магнезиум ги опушта мускулите и делува позитивно на сонот, што допринесува на менталната стабилност и позитивното расположение.
Лек за кожата
Веќе споменатиот магнезиум во морската вода помага во хидратација и надворешниот изглед на вашата кожа. Исто така влијае врз црвенилото и сувата кожа, па оние кои патат од дерматолошки проблеми се советуваат подолго време да поминуваат во море.