Циметот е еден од зачините кои секојдневно треба да бидат дел од вашата исхрана. Досегашните истражувања покажуваат дека истиот покажува позитивни ефекти кај многу заболувања, како дијабетес, гастритис, но и кај зголемен холестерол.
Габични инфекции- според Националниот институт за здравје на Британија, во составот на циметот има состојка која лесно се справува со габичните инфекции.
Дијабетес – циметот ги подобрува нивото на глукоза и липиди кај пациентите кои имаат дијабетес тип 2
Алцхајмерова болест – научниците од универзитетот од Тел Авив открија дека циметот помага во превенцијата од оваа болест. Според нив екстрактот CEppt кој се наоѓа во кората на циметот го спречува развивањето на оваа болест.
ХИВ –една индиска студија покажува дека циметот е ефикасен и кај определени видови на ХИВ
Мултиплекс склероза – според истражувањето на медицинскиот центар при Раш универзитетот, циметот го спречува деструктивниот процес на мултиплекс склерозата
Го намалува негативниот ефект на високо калоричните оброци – циметот ги намалува негативните ефекти кои настануваат по јадењето на храна која е богата со калории и масти.
Масло од цимет за секојдневна употреба
Домашно приготвеното масло од цимет може да се користи како за внатрешна, така и за надворешна потреба. Има антисептички, антибиотски, аналгетички и афродизијачки својства и мошне лесно се приготвува.
Ќе ви бидат потребни 5-6 стапчиња цимет, една стаклена тегла и маслиново масло. Стапчињата ставете ги во теглата и прелијте ги со маслиново масло, па потоа добро затворете ја и оставете ја на собна температура во текот на 3 недели. Повремено протресувајте ја теглата. По изминатиот период процедете ја течноста низ газа и чувајте ја во темно шише. Маслото можете да го додавате во десерти или пак да го консумирате по една лажичка секое утро. Се препорачува да се користи во рок од еден месец.