Иако ретко кој може да го започне денот без кафе, постојат и други будилници кои ќе ве разбудат инстантно и ќе ви подарат енергија за да го започнете денот и обврските кои ве чекаат.
Џвакање на храната за појадок
Најважниот оброк во денот ќе го снабди вашето тело со важни хранливи состојки, ќе го активира метаболизмот и ќе ви подари енергија за започнување на работниот ден.
Она што ќе ве разбуди е едноставниот процес на џвакање на храната, па затоа во појадокот вклучете крцкави намирници како што се житарките.
Врело какао
Наместо кафе, во вашата шолја ставете какао. Неодамнешните студии покажуваат дека флавинoидите во какаото влијаат на подобрување на расположението и расонување на личноста која го консумира. Исто така, консумацијата на какаото се има покажано и како одлична алатка за решавање на комплицирани математички проблеми, заради што се наметнува како идеална намирница за започнување на денот.
Свеж воздух
Отворете го прозорот, излезете на балконот или седнете во дворот, на само 5 минутки. Правилното вдишување и издишување ќе ве обезбеди со потребната количина на кислород, ќе ве расони и ќе ве подготви за претстојниот ден. Тука се и смирувачките звуци на природата, кои дополнително ќе ве расположат.
Вежби од било кој вид
Вежбањето е ефикасен природен начин да го разбудите вашето тело. Дури и наједноставното растегнување при станување од креветот ќе ја зголеми циркулацијата, ќе ја забрза работата на срцето и ќе го избрише сонот од вашите очи. Поголеми резултати ќе постигнете со поинтензивни утрински вежби, како што е џогирањето. А што велите, пак, за страстен секс како почеток на еден убав и успешен ден?
Мирис на мента
Набавете свежа билка мента, нејзино етерично масло или пак шолја чај, па утрото започнете го со „инхалација“. Некои студии покажуваат дека мирисот на ментол го разбудува мозокот и го смирува организмот кој е под стрес. За да постигнете максимален ефект, после здравиот појадок и шолја чај од мента, земете гума за џвакање од пеперминт.
