Посветеноста и верувањето во религијата е право на личен избор и уверување, но едно неодамнешно истражување открива дека религиозните луѓе имаат многу значајна здравствена предност за разлика од останатите.
Имено, американските научници од Универзитетот на Масачусетс, собрале податоци од 7.700 луѓе за време од две години и воочиле дека религиозните луѓе се помалку склони кон депресија.
Ова истражување, објавено во списанието The Gerontologist, покажало и дека учествувањето во религиозни обреди било поврзано со редуцирање на сипмтомите на депресија кај испитаниците кои на почетокот на истражувањето имале таква дијагноза.
Истражувачите пишуваат дека испитаниците вклучени во активности поврзани со религијата имале повеќе друштвени врски, а се одликувале и со помал ризик за изолација и осаменост, кои се важни фактори поврзани со депресијата.