Кога се работи за јаболковиот оцет, секогаш се поставува прашањето што не може да направи, отколку што би можел да направи! Како стар народен лек, се употребувал за разни болести почнувајќи од обична настинка преку борба против првут, па сè до рак. Веќе и научниците почнаа да ги докажуваат неговите придобивки по здравјето на човекот.
Дијабетес
Влијанието на јаболковиот оцет врз нивото на шеќер во крвта можеби е еден од најдобрите примери за ефикасноста на оцетот. Неколку истражувања открија дека оцетот ја намалува гликозата. Само 2 мали лажици оцет на ден, пред легнување го намалуваат холестеролот за 4 до 6%. Некои пациенти пијат 20гр оцет промешан со 40гр вода и добиваат намалување од 34% на нивото на шеќер во крвта!
Алергии
Овој чудотворен лек помага при чистењето на пликовите од алергијата. Исто така помага и при синусни инфекции, со симптоми на болно грло и главоболки.
Висок холестерол
Едно истражување од 2006 година покажа дека јаболковиот оцет може да го намали холестеролот. Научниците открија дека исхраната со употреба на јаболков оцет го зголемува добриот холестерол, а го намалува нивото на триглицеридите.
Крвен притисок
Докажано е и дека јаболковиот оцет го намалува високиот крвен притисок. Исто така и оние луѓе кои консумираат јаболков оцет со масло во салата пет до шест пати во неделата имаат позабавени срцебиења, од луѓето кои не го консумираат.
Рак
Оцетот може да ги убие клетките на ракот или да го намали нивното ширење. Едно истражување откри дека консумирањето на јаболковиот оцет е поврзано со намалување на ризикот за рак на дебелото црево. Всушност, киселините кои ги содржи го детоксифицираат и го чистат дигестивниот тракт.
Здрава коса и лице
Меѓу жените, познато е дека јаболковиот оцет може да се користи по употребата на шампон за косата да биде поздрава и посјајна. Во едно шише измешајте ½ лажичка оцет и шолја ладна вода. Поливајте се неколку пати во неделата по употребата на шампон. Исто така, оцетот се користи и против дамките кои се појавуваат при стареење. Само ставете оцет на памук и поминете низ дамката навечер пред спиење. Со тек на време дамките ќе избелат.
Намалување на телесната тежина
Илјадници години овој оцет се употребува за намалување на телесната тежина. Едно истражување докажа дека некои луѓе кои јадат леб со малку оцет се чувствуваат посито од оние кои јаделе само леб. Истражување од 2009 година, направено врз експериментални глувци, покажа дека консумирањето на киселината што ја има во оцетот, ги регулира гените за дебелеење во црниот дроб, предизвикувајќи му на телото чувство на заситеност.