Ова е одлична вест за справување со апетитот и телесната тежина на сосема здрав начин! Научниците тврдат дека спанаќот, кој е неверојатно здрав и лековит зеленчук, може да ја намали желбата за блага и нездрава храна.
Најновото истражување кое го спровеле шведските научници на Универзитетот Лунд покажува дека консумацијата на спанаќ може значајно да го намали вашиот апетит. Докажано е дека тилакоидот, кој се наоѓа во спанаќот, го поттикнува губењето на телесната тежина.
Резултатите од истражувањето, кое било спроведено врз жени со прекумерна тежина, покажале дека консумирањето на екстракт од тилакоид го поттикнува излачувањето на хормонот кој праќа сигнали до мозокот дека сте најадени и со самото тоа го намалува апетитот. Но, кога апетитот се контролира на овој начин, се намалува и потребата да посегнете по нездрави намирници.