Гумата за џвакање е неизоставен дел од нашето секојдневие. Додека едни ја земаат после јадење, други ја џвакаат од здодевност или од навика. Иако гумата за џвакање поттикнува произвоство на плунка која ја чисти усната шуплина, а при тоа и го освежува здивот, оваа навика има и негативни страни.
Подуеност и потешкотии при варењето на храната
За време на џвакањето на гумата, најчесто голтаме и до три пати повеќе воздух. Истиот останува во нашиот дигестивен тракт и може да предизвика грчеви и гасови, а со самото тоа и подуеност. Исто така, џвакањето поттикнува производство на желудочна киселина, која може да ви предизвика тегоби.
Бактерии
За време на џвакањето често ја отвораме устата, а многумина сакаат забавната гума за џвакање да ја растегнуваат со прстите. На тој начин во усната шуплина носиме голем број на бактерии и вируси, кои водат кон здравствени нарушувања.
Дебелеење
Истражувањата покажуваат дека гумата за џвакање ја зголемува потребата за нездрава храна. Исто така, џвакањето условно го поттикнува лачењете на желудочна киселина која е потребна за варење на храната, заради што брзо потоа чувствувате глад и посегнувате по непотребни калории.