Во желбата брзо да изгубиме некој килограм, склони сме да ги испробаме диетите кои ни се нудат секојдневно без притоа да го послушаме здравиот разум кој ни говори дека тоа не е паметно. Токму затоа, ви ја претставуваме листата на најопасни диети.
Во морето на различни диети, од кои многу се покажале неверојатно штетни и опасни по нашето здравје, нутриоционистите и лекарите ја составија оваа листа за оние кои не би требале да ги испробуваме, бидејќи ем што не се добри за организмот, туку и не ви носат траен успех во борбата за витката линија.
Сирова храна
Иако нутрионистите се сложија со мислењето дека нам сировото овошје и зеленчук ни даваат многу витамини и потребни хранливи состојки, постојат опасности дека некои видови се подобри кога термички ќе се обработат, а да не ги споменуваме опасностите од бактерии и нечистотија. Директорот на истражувачкиот центар „Mount Sinai Adolescent Health Center“, Кристофер Очнер, нагласува дека ова воопшто не е едноставна диета бидејќи бара часови за подготовка, сецкање, дехидрација или чистење.
Алкална диета
Оваа диета бара исфрлување на месото, млечните производи, слатките, кофеинот, алкохолот, вештачките намирници и преработената храна. Иако има позитивни насоки бидејќи вклучува многу свежо овошје, зеленчук, јаткасти производи, но сепак за тие не е докажано дека ќе ослабете бидејќи и тие намирници се калорични. На кратко, диетата е многу стриктна и исфрлени се многу важни намирници кои се важни за урамнотежена исхрана.
Диета според крвната група
Авторот на диетата Питер ДиАдамо тврди дека е базирана на тоа какви хемиски реакции предизвикува храната која ќе ја изедеме. Така за оние со крвна група 0 се препорачува да јадат не многу масно месо, овошје и зеленчук, а да избегнуваат млечни производи. Но до сега немало никакви научни докази дека ќе ослабете на тој начин и оваа диета може да биде многу еднолична поради ограничените намирници.
Месечева диета
Доколку ја следите Месечианта и сте на Месечева диета, тоа значи дека кога таа е полна вие 24 часа постите. Иако се чини дека сте ослабеле, што не е чудно бидејќи не сте јаделе цел ден, лекарите предупредуваат дека тоа е многу нездраво, а изгубените килограми веднаш ќе се вратат.
Диета со кекси
Ја осмислил докторот Сигал и била голем хит во Холивуд, но далеку од она што сите веднаш би помислиле – кекси може да јадете колку ќе посакате. Наместо тоа, во организмот е дозволено да внесете 500 до 600 калории во вид на квалитетни кекси со влакна. Тие се комбинираат со други диетални оброци, а не смее да се пречекорат 1.200-те калории дневно. Бидејќи тоа е рекукциона диета, ниту еден лекар не би се сложил со неа.
Диета пет залчиња
Ова е уште една редукциона диета бидејќи денот не смеете да го поминете со внесени повеќе од 1.000 калории. Ја создал лекарот за дебелина Алуин Левис, а според неговиот предлог, појадокот се прескокнува, а за ручек и вечера можете да изедете по пет залчиња храна по избор. Сепак, тоа е далеку од идејата да јадете разноврсно и помалку, бидејќи пет залаци едноставно не се доволни за телото да може да ги направи сите важни функции.
Магична диета со зелка
Веќе со години оваа диета е една од најпопуларните диети во светот, но најголем проблем на овој начин на исхрана е тоа што во сите три оброци јадете исти намирници и тоа со денови. Диетата е успешна бидејќи храната се базира на нискокалорични намирници преполни со влакна и вода. Сепак, на крајот можете да почувствувате подуеност, а може и да имате проблеми со гасови. Исто така недостасуваат и други состојки како протеини и здрави масти.