Капмањата која има за цел да ја подигне свеста за ракот во Норвешка се стекна со светска слава благодарение на оригиналниот пристап и секси пациентките.
Ѕвездите од „Active Against Cancer“ кампањата се вистински пациентки кои се во процес на оздравување, а со недели ја вежбале кореографијата пред да ја изведат сопствената интерпретација на прославениот спот за песната „Call on Me“ од Ерик Приц. Сигурно сите се сеќавате на видеото кое пред неколку години се вртеше скоро на секоја телевизија и насекаде на интернет.
Ова ново видео исто така покажува колку е важна физичката активност како дел од опоравувањето токму поради она што тоа го прави на телото и душата. Многу истражувања дури и покажаа дека физичката активност допринесува кон брзото заздравување и рехабилитацијата.
- Веруваме во самодовербата. Поради тоа решивме да направиме римејк на еден од најпредизвикувачките спотови досега и тоа баш со пациентки. Намерно го избравме тој спот и таа песна бидејќи сакаме да докажеме дека ракот не мора да ја убие и вашата самодоверба, вели една од водителките на кампањата.
- Тешко е да имате самодоверба ако немате коса и градите вам ви изгледаат чудно. Поради тоа е многу полесно да се ослободите од стегите и тие мани да ги истакнете во прв план. Чувството е фантастично, рече една од пациентките од спотот – Конечно дојде време да ги разбиеме предрасудите за онколошките пациенти.
Погледнете го ова инспиративно видео: