Наглите температурни промени на кои сме изложени во последниов период кај многумина предизвикаа борба со настинките. Иритациите на носот и грлото, како и непријатната главоболка, нè тераат да посегнеме по решенијата кои се наоѓаат во аптеките, додека не мал број на оболени се одлучуваат за брзо опоравување со антибиотици.
Но, таквиот начин на лекување предизвикува потполна нерамнотежа во телото бидејќи настинката е предизвикана од вирус, а не од бактерии, заради што на патот до оздравување треба да ги елиминирате лековите и да му овозможите на телото лечење по природен пат.
Изобилство од овошје и зеленчук
Вирусите се најчестите предизвикувачи на настинките, но обидот да се лечат со антибиотици е сосема погрешен бидјеќи овој лек не делува на нив. Најдобар начин да се изборите со настинката е да ја спречите заразата, а тоа ќе го постигнете со зајакнување на имунолошкиот систем и тоа со помош на изобилство на овошје, зеленчук и зачини кои во себе содржат природни облици на минерали, витамини и антиоксиданси.
Големата количина на витамин Ц е неопходна во периодот кога вирусите се разуздуваат, а можеме да го пронајдеме речиси во сите видови на овошје и зеленчук. Важно е од исхраната целосно да ја исфрлите масната храна и да консумирате само оброци кои се имаат подготвено со минимална термичка обработка.
Одмор
Одморот во периодот на настинките е неопходен. Доколку имате силна кашлица и не се одмарате доволно, симптомите може да ви се зголемат во наредните денови и да предизвикаат да не можете да станете од кревет. Затоа, одложете ги сите обврски и дозволете си два дена целосен одмор.
Двојно зголемен внес на течности
Внесот на течности, чаеви и вода, во периодот на настинките и вирусите мора да биде двојно зголемен отколку вообичаено. Имено, водата го брани телото од вируси со тоа што ги одржува клетките чисти и ги оптимизира сите нивни функции.
Под зголемен внес на течности, не се мисли само на обичната вода, туку и на чаеви, како и на пилешката супа со аминокиселината цистеин која ја содржи - познатиот спасител во ситуации кога телото попушта пред вирусот. За уште подобар ефект, во пилешката супа додадете свеж лук и малку ѓумбир.
Правилно дување на носот
Исфрлање на насобраната слуз од носот е неопходна во лечењето на настинката, но истото не смее да биде агресивно. Имено, при силно издувување на слузот, можно е дел од од него да отиде го ушните канали и да предизвика запаление на ушите.
Природен елиминатиор на вирусите од дишните патишта
Солената вода помага при отстранување на вирусите од носот, а можете да ај подготвите сами на следниот начин: сварете 2 дл вода и оставете ја да се олади, па додадете 1.4 мала лажичка морска сол и еднаква количина на сода бикарбона.
Сето тоа добро измешајте го и со капалка во секоја ноздра поединечно ставете ја мешавината и оставете ја да истече. Повторете го истото најмалку три пати на ден.