Се сомневате дека можеби не спиете доволно? Благодарение на научниците, сега можете да проверите дали тоа е навистина така.
Во студијата објавена во списанието „Сон“, финските истражувачи тврдат дека утврдиле колку точно сон ни е потребно за нашето тело да функционира најдобро.
Одговорот е 7 часа и 36 минути за жени, како и 7 часа и 48 минути за мажи.
Ова откритие е резултат на потрагата по оптимална количина на сон потребна да се намали ризикот од изостанување од работа, кое е предизвикано од болест.
За да дојдат до овие резултати, научниците од Финска следеле вкупно 3760 луѓе во период од седум години, а потоа ги споредиле податоците за нивните навиките поврзани со спиењето со податоците за отсуство од работа заради болест, кои ги добиле од институцијата за социјално осигурување.
Во последно време просечниот сон е сведен на само 6,8 часа, за разлика од пред 70 години, кога тој изнесувал 7,9 часа, кој според новите истражувања се покажува како оптимален.