Ненаспаноста, недостатокот на енергија и хормоналниот дисбаланс не се единствените причини за постојаното чувство на глад. На зголемениот апетит влијаат и следниве неочекувани фактори со кои веројатно се соочувате во секојдневието.
Додатоци во исхраната
Земањето суплементи во форма на прашок е добар начин да ги задоволите дневните потреби за витамини, минерали и други важни нутриенти, кога тоа не можете да го остварите преку храната.
Но, најчесто тие витамински додатоци ја зголемуваат желбата за храна. Затоа, доколку се подготвувате исхраната да ја збогатите со такви суплементи, внимавајте на вашата физичка реакција и прилагодете го внесот на храна на вашите реални потреби.
Лекови
Секој човек различно реагира на консумацијата на лекови. Сепак, истражувањата покажуваат дека земањето антидепресиви е поврзано со зголемување на апетитот кај поголем број на луѓе.
Иако вашето физичко и ментално здравје е поважно од неколку колограми вишок, секако предупредете го лекарот за овој ефект и прашајте го дали има друг таков лек со помалку слични нуспојави.
Промени на режимот на вежбање
Комбинирањето на различни типови на вежбање и спортски активности е одличен начин да го одржите вашето тело во топ форма. Но, доколку се префрлате од еден режим на вежбање на друг, најпрво би можеле да почувствувате зголемена желба за храна.
Но, не грижете се бидејќи станува збор за привремена појава. На овој начин вашето тело се подготвува за нови предизвици и оптоварувања. Најдобро е да водите дневник за вежбањето и внесот на храната, како би имале јасен преглед колку калории внесувате, а колку трошите во текот на денот.
Студ
Сте забележале ли дека со пристигнувањето на постудените денови почнувате да јадете повеќе? Ова е еволуциски импулс кој ви овозможува создавање на залихи на енергија, што претставува природен начин на греење на телото.