Дури 90 проценти од лушпата од јајце отпаѓаат на калциумот, што ја прави најдобар природен извор на тој минерал. Покрај калциумот, лушпата од јајце содржи многу важни елементи за човечкото тело: железо, бакар, манган, цинк, флуор, хром и молибден.
Токму заради тоа, многу експерти ја препорачуваат мелената лушпа од јајце како природна и многу делотворена надополна на калциумот.
Зависно од возраста, препорачаната дневна доза се движи од 1,5 – 3 грама мелена лушпа од јајце. При тоа, важно е да знаете дека 1 лажичка од мелената лушпа тежи околу 5 грама и содржи 1600-1800 милиграми калциум.
Еве како и за кои здравствени цели можете да го користите овој дел од јајцето, кој секогаш го фрламе како отпад.
За добро функционирање на штитна жлезда
Лушпите од 8 јајца добро исчистете ги и исушете ги, а потоа издробете ги. Добиениот прав прелијте го со сок од 2 лимони и оставете го во фрижидер да отстои неколку дена. Кога лушпите ќе се растопат, процедете ја течноста и помешајте ја со 1 литро ракија и 1 килограм мед. Пред употреба, оставете ја мешавината да отстои 7 дена, а потоа консумирајте ја 2-4 пати на ден, по 1 лажица, после јадење.
Против тегоби предизвикани од гастритис или чир
- Една лажица мелени лушпи од јајце помешајте ја со 1 лажица шеќер и 1 лажица мелено мускатно оревче. Оваа мешавина консумирајте ја 20 дена, 3 пати на ден по 1 лажица, растворена во малку вода.
- Земете мелени лушпи од јајца на врвот од ножот и помешајте ги со 2 лажици лимонов сок. Кога лушпите ќе се натопат во сокот, додадете 100 милилитри топло млеко. Консумирајте ја оваа мешавина 2 пати на ден - наутро на празен желудник и навечер пред спиење.
За зајакнување на организмот и прочистување на крвта
Лушпите од 4-5 јајца добро измијте ги, издробете ги и ставете ги во 300 милилитри вода. Водата со лушпите чувајте ја во фрижидер до недела дена и користете ја како вода за пиење. Дневно консумирајте 2-3 чаши вода со малку лимонов сок.