Јогуртот е полн со калциум и претставува вистински суперхерој во исхраната. Секој знае дека комбинацијата на јогурт со житарки е најпаметниот избор за утринскиот појадок. Но, немојте да го изоставувате ниту при подготовка на сос за тестенини, салати и маринади.
Јогуртот содржи здрави, активни бактерии кои се многу важни за телото. Станува збор за пробиотици кои се борат против штетните бактерии и микроорганизми во нашето тело.
Овој млечен напиток е значаен извор на калиум, фосфор, јод, цинк, витамин Б5, како и витамин Б12, кој ги чува црвените крвни зрнца и помага при одржување на нервниот систем во добра форма. Исто така, јогуртот помага во превенција на остеопорозата, како надополнување на соодветен режим на исхрана.
Заради прекумерната консумација на сол, луѓето се борат со висок крвен притисок, разни срцеви заболувања и болести на бубрезите. Токму во таа борба помага калиумот кој се наоѓа во јогуртот, со чија помош се исфрла вишокот на соли од организмот.
Она што е од огромна корист е дека јогуртот претставува и добар сојузник при слабеење заради неговата висока нутриционистичка вредност, мал број на калории и високата доза на калциум. Одлична работа е тоа што позотивно делува на дигестивниот систем и ја воспоставува рамнотежата во организмот доколку истата е нарушена. Јогуртот помага при одржување на нормална PH вредност, заради што ја чува флората на цревата, а штити и од разни вагинални инфекции.