Оваа „занимација“ е вистинска енергетска бомба полна со калории, но нутриционистите и понатаму ја препорачуваат нејзината повремена консумација. Кикириките спаѓаат во семејството на мешунки и се богати со витамини и минерали кои го подобруваат здравјето. Еве какви предности ни носат:
Го намалуваат холестеролот
Непржените кикирики, односно оние во лушпа, на кои не им се додадени масти и соли по индустриски пат, се природна и здрава намирница која има бројни нутритивни своства.Кикириките се богати со здрави масти кои го намалуваат штетниот холестерол, со што ги штитат срцето и крвните садови.
Балансирање на нивото на шеќер
Една студија покажала дека консумацијата на кикирики може да го доведе нивото на шеќер во крвта во баланс и на тој начин го спречуваат развојот на дијабетес тип 2.
Го убиваат гладот
Кикириките се еден од најздравите видови на ужина. Богатиот вкус, од кој ни е многу тешко да се воздржиме, добро заситува, а тоа ги прави кикириките одличен сојузник во слабеењето. Доколку почувствувате глад помеѓу оброците, заборавете на чоколадото и чипсот и посегнете по овие здрави грицки.
Го подобруваат помнењето
Кикириките се одлична храна за мозокот бидејќи содржат витамин Б3, кој ја поттикнува неговата работа и го подобрува помнењето.
Богатство од нутриенти
Дозревањето на плодовите во заштитната лушпа им овозможува на кикириките да ги задржат сите хранливи материи, вклучувајќи важни минерали како што се цинкот и железото, кои придонесуваат за здравјето на целиот организам.